Category Archives: [V]-interested

ទោះ​មិន​ស្គាល់គាត់​ក៏​ខ្ញុំ​ស្រឡាញ់គាត់ដែរ… វា​ដូចជា​សភាវគតិរបស់​​មនុស្ស​យើង​អ៊ីចឹង…ទោះ​មិន​ស្គាល់​ក៏​ខ្ញុំ​គោរពគាត់​​។ មនុស្ស​យើង​អ៊ីចឹង​មែន មិន​ខុស​ព្រោះ​មិន​បាន​ធ្វើ​ មិន​ធ្វើ​គឺ​មិន​ខុស… ហើយគាត់​​ម្នាក់​ណឹង​​រឹត​តែ​គ្មាន​ថ្ងៃ​ធ្វើ​អ្វីខុស​ចំពោះ​ខ្ញុំ​ ក៏​ដូច​អ្នក​ដទៃទៀត​ដែរ ។ ម្យ៉ាង​​ខ្ញុំ​មិ​ន​ស្គាល់គាត់ ហើយ​គាត់​ក៏​គ្មាន​ថ្ងៃ​ស្គាល់​ខ្ញុំ​ សរុប​ទៅ​គឺ​យើង​មិន​ស្គាល់គ្នា … ចុះ​ម៉េច​បាន​ជា​ខ្ញុំ​និយាយ​ពីគាត់?​ ព្រោះ​គាត់ជាមនុស្ស​សំខាន់​ក្នុងជីវិត​ខ្ញុំ គ្មាន​គាត់​ក៏​គ្មានខ្ញុំ​។ តែ​​នៅ​ពេល​ខ្ញុំ​បើក​ភ្នែក​មើល​ពិភពលោកនេះ រូបគាត់​បាន​ចាក​ចោល​លោក​នេះ​៦ខែមុន​នោះ​បាត់ទៅហើយ… គាត់គឺ​ … គាត់គឺ ប៉ា​ខ្ញុំ! កាល​កណ្តាល​អាធ្រាតថ្ងៃ ១៩ ឈានចូលថ្ងៃ ២០ បាន​ជាងមួយ​ម៉ោង ខែធ្នូ​ ២៩ឆ្នាំមុន (តាម​ការនិយាយ​ប្រាប់​របស់​ចាស់ៗ) នៅ​យប់​នោះ​ហើយ​ជាយប់​ដែល​គាត់​ចាក​ចោល​ពួក​យើងទៅ… ចាក​ចោល​ប្រពន្ធដែលមាន​មាន​ផ្ទៃពោះ​៣ខែ ចាក​ចោល​កូន​ប្រុស​ដែលមាន​អាយុ​ទើប​តែជិត​២ខួប ចាក​ចោលគ្មាន​ថ្ងៃ​ត្រឡប់…។ ព្រឹក​ស្អែក​នេះ(ថ្ងៃ​២០ខែ១២)​ម៉ាក់​រៀប​ចំសែន​ខួប​ស្លាប់​ទី ២៩ របស់​ប្តី​គាត់ ដែល​ជា​ឪពុក​របស់ខ្ញុំ។ គាត់​ជាមនុស្សសំខាន់​ក្នុង​ជីវិត​របស់ខ្ញុំ ជាមនុស្ស​ដែល​ខ្ញុំ​មិន​ស្គាល់ មិន​ដឹង​ថា​រូប​រាង​ខាង​ក្រៅ​យ៉ាងម៉េច … Continue reading →