អរគុណ មនុស្សម្នាក់ ដែលយើងទើបតែស្គាល់គ្នា តែខ្ញុំអរគុណ ដែលគេធ្វើជាអ្នកទទួលស្តាប់រឿងរ៉ាវក្នុងចិត្តរបស់ខ្ញុំគ្រប់រឿង ដោយមិនតាមជជីកសួរថាមនុស្សម្នាក់នោះដែលខ្ញុំនិយាយដល់ជាអ្នកណា គេមិនសួរអ្វីឲ្យប៉ះពាល់ដល់អ្នកទីបី នេះជាអ្វីដែលខ្ញុំចង់បានបំផុត គឺសុំត្រឹមស្តាប់ពីអ្វីដែលមានក្នុងចិត្តខ្ញុំ គេពិតជាធ្វើជាអ្នកស្តាប់ដ៏ល្អម្នាក់មែន មិនបន្ទោសអ្នកណា មិនកាន់ជើងអ្នកណា តែបែរបន្លប់ទុក្ខខ្ញុំពេលដែលនិយាយទាក់ទងដល់ចំណុចរន្ធត់ក្នុងចិត្តមួយចំនួនទៅវិញ ពិតជាអ្វីដែលពិសេសមែន ជិតមួយឆ្នាំហើយដែលខ្ញុំមិនបានទម្លាយរឿងរ៉ាវគ្រប់យ៉ាង ដែលចាក់ស្រេះពេញក្នុងចិត្តមកឲ្យបានធូរស្បើយ (ជាអ្វីដែលហៅថាហាស្លាក់ខ្ជាក់ស្លែងពិតជារឿងផ្ទាល់ខ្លួនដែលស្មុគស្មាញនឹងប៉ះពាល់ច្រើនដល់ខ្លួនខ្ញុំ និងជាពិសេសភាគីម្ខាងទៀត ពិតជាមិនអាចនិយាចេញបានមែន ទាំងៗដែលចង់និយាយឲ្យវាធូរទ្រូងណាស់) បានត្រឹមសរសេរ ហើយលាក់ទុកនៅកន្លែងមួយ ដែលមិនអាចឲ្យអ្នកផ្សេងដឹង ឮ ឬឃើញ… ពិតជាសុំអរគុណគេយ៉ាងខ្លាំង..
តែក្នុងខណៈពេលជាមួយគ្នា នោះក៏ចង់សុំទោស គេផងដែរ ដែលខ្ញុំមិនអាចទទួលយកបំណងល្អរបស់គេបាន ។ ខ្ញុំដឹងថាគេចូលចិត្តខ្ញុំ(ច្រើនជាងមិត្ត) តាំងតែពីជួបគ្នាលើកដំបូង ហើយក្រោយពេលបាននិយាយលេង ព្រោះមិនមែនថាខ្ញុំលើកតម្កើនខ្លួនឯងទេ តែពិតជាបានឆ្លងកាត់រឿងនេះមកច្រើនហើយ ខ្ញុំល្មមអាចមើលយល់ថាអ្វីជាអ្វី ។ ហើយខ្ញុំក៏ទទួលស្គាល់ថាខ្ញុំចូលចិត្តគេដែរ តែយើងពិតជាមិនអាចមានលទ្ធផលបានឆ្ងាយជាងនេះទេនៅក្នុងពេលឥឡូវ ឬឆាប់ៗខាងមុខនេះឡើយ … មានកត្តាជាច្រើនដែលពុំបង្កឲ្យទៅបាន តែអ្វីដែលសំខាន់ គឺឆ្លងកាត់រឿងរ៉ាវ ពីរ បី ដងកន្លងមកនេះធ្វើឲ្យខ្ញុំដឹងខ្លួនឯងច្បាស់ណាស់ ថាខ្ញុំរឹងម៉ាំជាងមុនច្រើនក្នុងរឿងបែបនេះ ។ បើប្រៀបធៀបនឹងលើកទី៣ សកម្មភាពរបស់គេសឹងតែប្រហាក់ ប្រហែលឬចង់ច្រើនជាងផង ដែលបង្ហាញថាគេចូលចិត្តខ្ញុំ (ច្រើនជាងមិត្ត ច្រើនជាងបងប្រុស) ។ តែអ្វីដែលមកហាមចិត្តខ្ញុំ និងបង្អាក់មិនឲ្យវាទៅឆ្ងាយជាងនឹងគឺបទពិសោធន៍កន្លងមកនឹងឯង ព្រោះខ្ញុំខ្លាចបាត់បង់ បើស្ថិតនៅក្នុងថានៈត្រឹមមិត្ត យើងអាចនៅរាប់អានគ្នាបានយូរអង្វែងជាងថានៈលើសនឹង (សង្សារ) ។ ខ្ញុំពិតជាមិនចង់បាត់បង់មនុស្សល្អៗម្នាក់ ដែលខ្ញុំចូលចិត្តចេញពីជីវិតខ្ញុំទៀតឡើយ ជាពិសេសជាការបាត់បង់បែបដដែលៗ គឺដោយសារការប្តូរតំណែងពីមិត្តទៅជាសង្សារនឹងឯង ។ ហេតុដូច្នេះហើយទើបខ្ញុំចង់និងបាន សុំទោសគេរួចហើយក្នុងរឿងនេះ (គេញញឹមទទួលព្រោះគេពិតជាយល់ពីអ្វីដែលខ្ញុំចង់បានពិតប្រាកដ) ….
អរគុណ សម្រាប់មិត្តភាព នឹងមានរឿងរ៉ាវមួយចំនួនដែលលើសពីមិត្ត ដែលគេអាចផ្តល់បាន… និង សុំទោស ដែលខ្ញុំមិនអាចទទួលបាននូវអ្វីដែលមានលក្ខណៈច្រើនឆ្ងាយជាងមិត្តភាព(ស្នេហា)ពីគេបាន …
(today, Aug 22nd, is your birthday… Wish you all the best, good luck, happiness, successful, may all your dreams come true… cheer!)
vRYA on 
សុភ័ក្ត្រ on 
Vy on 
3G ស្រុកយើង « KHMERLING on 
Sophea on 
បណ្ឌិត on