មិន​ហ៊ាន​ប្រាប់​ផ្ទាល់មាត់ – ឆន សុវណ្ណរាជ

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Download: មិន​ហ៊ាន​ប្រាប់​ផ្ទាល់មាត់

​មិន​ហ៊ាន​ប្រាប់​ផ្ទាល់មាត់ – ឆន សុវណ្ណរាជ

I) ចង់​ជួប​ណាស់ជីវ៉ា អ្នក​ណា​ចង់​បែក​ពី​ស្នេហ៌ ដឹង​ដែរ​ឈឺ​ចាប់ ឈឺ​ចាប់​ដូច​គ្នា
ខ្ទាំ​ដួង​ចិត្ត​ ខ្ទាំ​ពាក្យ​ មិន​ដឹង​បក​ស្រាយ​បែប​ណា​ឲ្យ​ស្ងួន​ទប់ចិត្ត ការពិត​គឺ​បង​ត្រូវ​បែក​ពីអូន

R) គេ​ជំទាស់​មិន​ឲ្យ​ជួប​គ្នា មាស​មេ​បង​ស្រឡាញ់​អូន​ខ្លាំង​ណាស់ តែ​បង​ជម្នះមិន​បាន​

II) បង​ដឹង​បង​ប្លែកខុស​កាល​គ្រា​មុន ខុស​ព្រោះ​ចង់​ឲ្យ​អូន​ដក​ចិត្ត​ពីបង មិន​ហ៊ាន​ប្រាប់អូន​ផ្ទាល់មាត់
សុំ​ទោស​បង​ដែល​បង​ផ្តល់​​ក្តី​សង្ឃឹម​ តែ​ពេល​ណឹង​បង​ដក​យក​ក្តី​រំពឹង​វិញ ឲ្យ​ចិត្ត​អូន​ខ្ទាំទោម្និញ​ឈឺ​ចាប់ខ្លាំង

III) បង​គិត​ខុស បង​ល្ងង់​អូន​ធ្លាប់​សុំ​បង​បែកគ្នា​ ព្រោះ​អូន​ដឹង​មុន តែបង​មិន​ព្រម
ទុក​រហូត​រឿង​ធំ រឿង​បង​ជួប​មុំ​មិន​បាន កល្យាណ​គ្រាំ​ចិត្ត ការពិត​មិនអាច​បង្វៀង​បាន​ឡើយ ។

Repeat: R/II/II

personal impression to the song:

មែន​ហើយការ​ដែល​នៅ​សុខ​ៗ​មក​និយាយ​ប្រាប់​ថា “បែក​គ្នា” វា​ពិត​ជា​ពិបាក​ទទួល​បា​ន​មែន​សម្រាប់មនុស្ស​ ដែល​កំពុង​ស្រឡាញ់គ្នា ជាពិសេស​សម្រាប់ភាគី​ដែល​ត្រូវបាន​គេ​​សុំ​បែក​នោះ ។ តែ​បើខ្លួន​ពិត​ជាមាន​មូល​ហេតុ​ច្បាស់លាស់ ហើយ​គិត​ថា​​ខ្លួន​ពិត​ជា​ចង់បាន​បែប​នោះ គ្មាន​អ្នក​ណាម្នាក់មក​បង្ខំគេ​ឡើយ ឬ​គៀប​សង្កត់​ឲ្យ​គេស្រឡាញ់​នរណា​ម្នាក់បាន​ឡើយ ។
តែ​ទង្វើ​ដែលសម្តែង​ចេញ​ឲ្យ​គេ​ដក​ចិត្ត​ចេញ​ពីខ្លួន​នេះ​ទៅវិញទេ ដែល​ជា​រឿង​ឈឺ​ចាប់ជាង​ការ​សុំ​បែក​គ្នា​ត្រង់ទៅទៀត ។ វា​ធ្វើ​ឲ្យអ្នក​ដែល​មិន​ដឹង​រឿង​អីនោះ គិត​សឹង​បែក​ខួរ​ក្បាល​ម្តងៗ ហេតុ​អ្វី​បាន​ជា​មាន​ការ​ប្រែប្រួល​ដូច្នេះ ? ធ្វើ​នេះ​ក៏​ទាស់ ធ្វើ​នោះ​ក៏​ខុស ពាក្យ​សម្តី​ប្រែរ​ពី​ផ្អែម​ល្ហែម ហេតុ​អ្វីក៏ក្លាយ​ជា​ទ្រគោះ​បោះ​បោក​ទៅ​វិញ ? តើហ៌គេបាន​ធ្វើ​អ្វីខុស ? សំណួរ​ជា​ច្រើន​បាន​ចាក់ស្រោច​មក​លើ​គេ​ដោយ​រក​ចម្លើយ​មិន​បាន​ ចុង​ក្រោយ​បាន​ត្រូវ​បន្ទោស​ខ្លួនឯង ថា​ធ្វើ​មនុស្ស​ដែលខ្លួន​ស្រឡាញ់មិន​សប្បាយ​ចិត្ត ។ល។

មាន​ដឹង​អី, ការពិត​គឺ​គេ​ចង់ដោះ​ដៃចោល​ខ្លួនឯង​សោះ! ពាក្យ​ថា​ស្រឡាញ់ដែល​ធ្លាប់​ពោល​ឡើង​កាល​ពីមុន​ ហេតុ​អ្វី​ក៏មាត់​នោះ​ងាយ​ម៉្លេះ ងាយ​និយាយ​ចេញមក​ ឬ​ជា​ការ​បោក​ប្រាស់ ឬ​ជា​ការ​ច្រឡំ ឬ​ជាអ្វី​ឲ្យ​ប្រាកដ ? ពាក្យ​ថា​នឹក​ដែល​តែង​និយាយ​ចេញ​មក​ជា​រឿយ​ៗនោះវា​ជាអ្វី​ទៅវិញ ? ហើយ​ជា​រឿយ​ៗ​ ដែល​តែង​ប្រាប់​ថា​ ស្រឡាញ់ខ្លាំងណាស់ នឹក​ខ្លាំងណាស់ ទាំងនោះ​ជា​ការពិត​ឬ​យ៉ាងណាដែរ? ពិត​ត្រឹម​ពេល​ណា? ហើយ​ក្លាយ​ជា​ការ​ច្រឡំ​នៅពេលណា នឹង​ប្តូរ​ទៅ​ជា​ការបោក​ប្រាស់តាំង​ពីពេល​ណា​មក​ដែរ?

បើ​មិន​ស្រឡាញ់ បើ​មិន​បាន​នឹក​ទេ ហេតុ​អ្វី​មិន​ព្រម​ប្រាប់ត្រង់ៗទៅ មាន​ដឹង​ទេ​ថា​ការ​អូសបន្លាយ​ពេល​ពេលវេលា​ ឲ្យ​កាន់តែ​វែង វា​មិន​អាចជួយអ្វី​បាន​ឡើយ ក្រៅ​ពី​ថែម​ការឈឺ​ចាប់នោះ ។​ មានដឹងទេថា ពាក្យ​ស្រឡាញ់​ដែល​ធ្លាប់ឮម្តង ត្រូវ​ចំណាយ​ពេល​យូរ​យ៉ាងណា​ដើម្បី​បំភ្លេច ពាក្យ​នឹក​ដែល​បាន​ឮ​ម្តង​ វាតប​មកជា​ការឈឺចាប់ខ្លាំងប៉ុណ្ណា​នៅ​ពេល​ចុង​ក្រោយ​ដឹង​ថា ជា​ការនិយាយ​ចេញមក​ដោយ​ បង្ខំ ឬ ដោយ​ច្រឡំ ឬ​ដោយ​ការ​មិន​ពិតនោះ ។