- PrivatE -
អតីតកាលត្រូវបានគេចាត់ទុកថាជាមេរៀនសម្រាប់ការអនុវត្តរបស់បច្ចុប្បន្នកាល និងជាប្រើទុកជាការគ្រោងប៉ាន់របស់អនាគតកាល ។ ការចងចាំសម្រាប់ខ្ញុំបែងជាពីរប្រភេទធំៗ ទីមួយគឺចាំរឿងអតីកាលដែលល្អ និងទីពីរគឺរឿងមិនល្អ ។
រឿងមិនល្អ មែនទែនទៅ មិនបានចង់ចងចាំវាទេ ចង់តែឲ្យវារលប់ទៅឲ្យបាត់ទៅ គ្រាន់តែតែយល់ ស្គាល់ទុកជាមេរៀនទៅសម្រាប់ជីវិតទៅវាបានហើយ មិនចាំបាច់ចាំឲ្យមានការចងចាំលម្អិតអំពីវាទេ ។ ត្បិតតែរឿយៗ គិតអញ្ចឹងមែន តែមែនទែនទៅ រឿងមួយចំនួនធំ នៅក្នុងការចងចាំរបស់ខ្ញុំទាំងល្អ និងទាំងមិនល្អ វាមិនបានបាត់ទៅណាឡើយ ។
ការចង់ចាំល្អៗ ឬ អតីតកាលល្អៗវិញ ខ្ញុំតែងចង់ចងចាំវាទុកឲ្យបានយូរៗ មិនចង់ឲ្យវារលត់បានពីការចងចាំរបស់ខ្ញុំឡើយ ចង់ចាំវាទុករហូតដល់ថ្ងៃចុងក្រោយនេះជីវិត ។ មានវិធីជាច្រើន ដែលខ្ញុំ ឬមនុស្សជាច្រើនផ្សេងទៀតបានធ្វើ ដើម្បីរក្សាទុកការចងចាំល្អៗរបស់ខ្លួន មានដូចជាការសរសេរកំណត់ហេតុ ការថតរូបថត ការថតវីដេអូ ឬរក្សាទុកនូវរបស់របរ ឬវត្ថុអ្វីមួយដែលតំណាងឲ្យការចងចាំល្អមួយដែលមិនចង់ឲ្យភ្លេច ។
ដូចជាការចងចាំមួយរបស់ខ្ញុំ ជាការចងចាំមួយដ៏ល្អ ខ្ញុំមិនចង់ភ្លេចវាឡើយ ខ្ញុំបានអនុវត្តតាមវិធីខាងលើសឹងទាំងអស់ ដើម្បីរក្សាទុកការចងចាំមួយនេះ ។ ខ្ញុំមានទាំងរូបថត មានទាំងកំណត់ហេតុ ហើយលើសពីនោះទៅទៀត គឺការក្រើនរំលឹកដោយស្វ័យប្រវត្តិរបស់ចិត្តខ្ញុំតែម្តង ដែលជារឿយៗ តែនឹកដល់ការចងចាំដ៏ល្អមួយនោះ ។
វាជាអារម្មណ៍រំភើប សប្បាយ សមបំណង ធូរទ្រូង មើលឃើញអ្វីៗគ្រប់យ៉ាងជុំវិញខ្លួនពោរពេញដោយភាពស្រស់ថ្លា អារម្មណ៍ដែលធ្វើឲ្យខ្ញុំញញឹមបិទមាត់មិនជិតពេញមួយថ្ងៃ ញញឹមចេញពីបេះដូងខាងក្នុង ជាសេចក្តីសុខផ្លូវចិត្តដែលខ្ញុំមិនធ្លាប់បានជួបពីមុនមកឡើយ ត្បិតតែពេលវេលាបានកន្លងទៅ មួយឆ្នាំគត់ទៅហើយមែន តែអារម្មណ៍ទាំងនោះ នៅមានឥទ្ធិពលខ្លាំងណាស់មកលើអារម្មណ៍របស់ខ្ញុំ វាធ្វើឲ្យខ្ញុំញញឹមពេលនឹកដល់ វាធ្វើឲ្យខ្ញុំឈឺពឺតក្នុងទ្រូងពេល នឹកដល់រឿងរ៉ាវទាំងអស់ដែលបានកើតឡើងនោះពេលនោះ ហើយនៅពេលដែលខ្ញុំមានអារម្មណ៍ឯកោ ការនឹកដល់អនុស្សារយ៍ មួយនេះអាចធ្វើឲ្យទឹកភ្នែកខ្ញុំហូរចេញមកដោយមិនដឹងខ្លួនគ្រប់ពេល ធ្វើឲ្យអួលដើម ក ធ្វើឲ្យនឹកអាល័យ ….
ខ្ញុំនឹងរក្សាអតីតកាលដ៏ល្អមួយនេះនៅក្នុងចិត្តខ្ញុំជាដរាប បើទោះពេលវេលាអាចធ្វើឲ្យខ្ញុំភ្លេចភ្លាំងខ្លះមែន តែខ្ញុំនៅមានជំនួយការផ្សេងទៀតសម្រាប់រក្សាទុកការចងចាំមួយនេះ មានដូចជាការសរសេរ រូបថត ។ល។
២៤ មេសា ឆ្នាំ ២០១០
វីរិយា
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
เบิร์ด ธงไชย แมคอินไตย์ – มีแต่คิดถึง.mp3
vRYA on 
សុភ័ក្ត្រ on 
Vy on 
3G ស្រុកយើង « KHMERLING on 
Sophea on 
បណ្ឌិត on