ពេលវេលាពីមួយវិនាទីទៅមួយវិនាទី រឿងរ៉ាវជាច្រើនបានកើតឡើង លើមនុស្សយើងម្នាក់ៗផ្សេងៗគ្នា ហើយបើសរុបទៅជាមួយនាទី មួយម៉ោង មួយថ្ងី មួយអាទិត្យ មួយខែ និងមួយឆ្នាំ ខ្ញុំជឿថាគ្មានអ្នកណាម្នាក់ចាំអស់ទេ ថាមានរឿងអីខ្លះកើតឡើងចំពោះគេ ។ មានតែរឿងដែលសំខាន់ៗប៉ុណ្ណោះ ដែលវាដិតនៅជាប់ក្នុងការចងចាំរបស់យើង ។ ពិសេសជាងនេះទៅទៀត មនុស្សយើងគឺតែងតែទទួលបាននូវអ្វីដែលផ្ទុយពីការចង់បានរបស់ខ្លួន ដូចជារឿងដែលកើតឡើងមួយរយៈពេលពីមួយវិនាទីទៅមួយវិនាទីអញ្ចឹងដែរ មានរឿងខ្លះយើងប្រាថ្នាចង់ឲ្យភ្លេច តែវាត្រឡប់ទៅជាចាំមិនព្រមភ្លេច ហើយមានរឿងខ្លួនយើងចង់ចាំ (ជាពិសេសរឿងមើលមេរៀន ហេហេហេ) វាបែរជាភ្លេចងាយជាងស្អីទៅទៀត ។
ខ្លួនខ្ញុំក៏អញ្ចឹង រយៈពេល ៣៦៥ថ្ងៃកន្លងទៅថ្មីៗ ឬហៅជាភាសាមួយទៀតថា ឆ្នាំកន្លងទៅនេះ មានរឿងជាច្រើនកើតឡើងក្នុងជីវិត ដោយមិនបាច់រ៉ាយរ៉ាប់ទេគឺវាមានទាំងពីរប្រភេទហ្នឹងគឺ ល្អ នឹងអាក្រក់ ។ តែសរុបឲ្យខ្លីខ្ញុំថា មានរឿងល្អកើតឡើងច្រើនជាងរឿងអាក្រក់ ក្នុងនោះមានជាអាទិដូចជា បញ្ចប់ថ្នាក់បរិញ្ញាបត្រដែលខ្ញុំរៀនអស់ពេល ៦ឆ្នាំហើយដោយត្រដាបត្រដួស … មានមនុស្សថ្មីៗ(មិត្ត) ដើរចូលមកក្នុងជីវិតខ្ញុំ ចាត់ទុកថាជារឿងល្អ ព្រោះវាអ្វីដែរយើងមិនអាចកាត់ផ្តាច់បានគឺសង្គម នៅពេលណាយើងពង្រីកសង្គមយើងឲ្យបានកាន់តែធំ ខ្ញុំថាគុណសម្បត្តិមានច្រើនជាងគុណវិបត្តិ ជាពិសេសសម្រាប់មនុស្សដែលរាប់អានមនុស្សយ៉ាប់ដូចជាខ្ញុំ ។ មានរឿងជាច្រើនដែលកើតឡើង ហើយខ្ញុំប្រាថ្នាថា ហ្នឹងព្យាយាមធ្វើគ្រប់បែបយ៉ាងដើម្បីឲ្យវាថិតនៅក្នុងការចងចាំរបស់ខ្ញុំជារឿងរហូត តាមរយៈការកត់ត្រា ។ល។ ឆ្លងកាត់មេរៀនជីវិតរយៈពេល ៣៦៥ថ្ងៃកន្លងមកនេះ ខ្ញុំរៀនចេះបានច្រើនណាស់ ដូច្នេះហើយទើបសរុបថាឆ្នាំកន្លងជាឆ្នាំល្អមួយសម្រាប់ខ្ញុំ ។
និយាយពីរឿងឆ្លងឆ្នាំ ជារឿងដដែលៗកើតឡើងទៀងទាត់ តែនៅតែធ្វើឲ្យមនុស្ស(លោភ)យើងត្រេកត្រអាលបានជារឿយ! ឆ្នាំណាក៏ដូចឆ្នាំណា គិតៗទៅយប់ហើយភ្លឺ ហើយដល់ម៉ោងដល់ពេលវាក៏យប់វិញ គ្មានឃើញអីចម្លែក តែមិនថាខ្ញុំ មិនថាគេ មិនដឹងជាស្អីឲ្យតែយប់ឆ្លងឆ្នាំហ្នឹង ជ្រួលច្រាលមិនដេកមិនពួកនឹងគេតែទៅ ។
ប្លែកសម្រាប់ឆ្នាំនេះគឺខ្ញុំខានរាប់ថយក្រោយឆ្លងឆ្នាំតែប៉ុណ្ណឹងឯង គិតថាដេកអានសៀវភៅលេងៗទម្រាំដល់ម៉ោងសឹមទៅរាប់ថយក្រោយ លាឆ្នាំចាស់ហើយទទួលសាទរឆ្នាំថ្មីតាមកម្មវិធីប៉ុស្តិ៍ទូរទស្សន៍ តែមានឯងណា មិនជក់រឿងពេកអានឡើងហួសឆ្នាំ មើលមកនាឡិកាក្បាលដំណេក ចូលហួស ៧ នាទីបាត់ទៅហើយ!
ហេហេហេ ខ្ញុំទៅអីបានអូសពេលវេលាឲ្យដើរថយក្រោយមិនក៏មិនកើត មានតែគិតពីរឿងល្អៗវិញទៅ គិតថាឆ្នាំនេះចំណេញហើយចូលតែពីរឆ្នាំបានហើយ ព្រោះជាធម្មតាខ្មែរយើងមួយឆ្នាំៗចូលបីដងឯណោះ ហើយខ្ញុំខានមួយ នៅសល់ពីរ ហេហេហេ ចូលតិចក៏ល្អមិនសូវចាស់ ។
ផែនការជីវិតសម្រាប់ឆ្នាំថ្មីមានអីខ្លះ? ខ្ញុំថាយើងគ្រប់គ្នាតែមានផែនការជីវិត តែគ្រាន់តែជាគម្រោង បើវាមិនបានសម្រេចទៅតាមអ្វីគ្រោងទុកទាំងស្រុងក៏ ការដែលមានគម្រោងខ្ញុំគិតថាវាប្រសើរជាងគ្មានដែរ វាប្រៀបដូចជាយើងកំពុងធ្វើដំណើរ ហោចណាស់ក៏យើងដឹងថាគោលដៅទៅណា មិនដឹងម៉េចនឹងស្មានបរិមាណសាំងត្រូវ វីវរអស់សាំងកណ្តាលផ្លូវវាក្លាយជារឿងយ៉ាប់ តែបើចែដន្យម៉ាស៊ីនខូចទៅមុខមិនបាន ឬសាំអស់ព្រោះស្ទះផ្លូវ ដែលទាំងនេះសុទ្ធសឹងជាហេតុកើតដោយមិនបានដឹងជាមុន វាជារឿងផ្សេង ដែលអាចចាត់ទុកថាឧបសគ្គនៃគម្រោងការជីវិត ។
ឆ្នាំថ្មីនេះមានរឿងជាច្រើនចង់ធ្វើ ហើយចាប់អនុវត្តិអាទិភាព ឬភាពចាំបាច់តែខ្ញុំជាអ្នកកំណត់ឡើងដោយខ្លួនឯង ។ គេឧស្សាហ៍និយាយថា ឆ្នាំថ្មីអ្វីៗក៏ថ្មី ហេហេហេ ខ្ញុំថាមិនអញ្ចឹងទេ បើអាប់ដេតថ្មីប្រហែលជាអាចទទួលយកបាន ហោចណាស់ក៏យើងម្នាក់ ដែលមិនថ្មីគឺនៅជាខ្លួនយើងដដែលណឹងឯង ។ ចំពោះខ្ញុំឆ្នាំថ្មីផែនការថ្មីអាចមានខ្លះ តែផែនការចាស់ (ដែលមិនទាន់បានសម្រេច) ក៏នៅតែបន្តអនុវត្តទៅមុខ អាចប្រហែលជាមានយុទ្ធសាស្ត្រខ្លះត្រូវផ្លាស់ប្តូរ ឬបន្ទាន់សម័យ ។ល។ តែទោះយ៉ាងណាក៏នៅតែអះអាងជានិច្ចថាមិនអាចទៅជាថ្មីទាំងស្រុងនោះទេ ។
ខាងលើលើកពីអនាគតកាលហើយ ចូលដល់ “អតីតកាល” ម្តង សួរថាតើហ៍ត្រូវចាត់ការយ៉ាងម៉េចជាមួយវា? មិនពិបាក តែក៏មិនស្រួលដែរ ភាគច្រើនគេនិយាយថា ចាត់ទុកអតីតកាលឲ្យជាមេរៀនសម្រាប់បច្ចុប្បន្នកាល និងរៀបគម្រោងសម្រាប់អនាគត ហើយការដែលដើរមកជាន់ចំស្មាមកំហុសដែលធ្លាប់ករឡើងហើយក្នុងអតិតកាលជារឿងដែលមិនគួរឲ្យកើតមានឡើងឡើយ អានេះហើយទើបជារឿងលំបាក ព្រោះជារឿយៗការខុសឆ្គងតែតែកើតមានឡើង ហើយមានរឿងជាច្រើនខុសហើយខុសទៀត ។
តែសម្រាប់ខ្ញុំអ្វីដែលខ្ញុំអាចលួងលោមចិត្តខ្លួនឯងបាននោះគឺ បច្ចុប្បន្នកាលរបស់ខ្ញុំ រាល់ការសម្រេចចិត្តធ្វើធ្វីមួយ ខ្ញុំមិនសូវជាស្តាយក្រោយនឹងទង្វើររបស់ខ្ញុំឡើយ ព្រោះខ្ញុំតែងធ្វើចិត្តទទួលយកលទ្ធផលរបស់ខ្លួនជានិច្ច មិនថាល្អ ឬអាក្រក់ទេ ។
vRYA on 
សុភ័ក្ត្រ on 
Vy on 
3G ស្រុកយើង « KHMERLING on 
Sophea on 
បណ្ឌិត on
សរសេរច្រើនម៉េះ?
អាងតែខ្លួនឯងអត់បានខោនដោន តាំងម៉ោថាគេអីណា ហាសហា៎ ក្រែងធ្លាប់ជាមនុស្ស(លោភ) ដែរតើអ្ហី? រាប់ថយក្រោយនៅសមុទ្ទអីនោះ មិនថាផង ។ យ៉ាយលេងទេហ្នា៎ មែនហ្នឹងអាដែលៗ អាខោនដោនស្អីគេហ្នឹង!!!!!!
@រដ្ឋ: ព្រោះតែធឹងហើយបានសរសេរណឺងណា តាមពិតខោនដោនសំខាន់នោះគឺមានមនុស្សសំខាន់ ឬពួកម៉ាកដែលទៅខោនជាមួយ ឬបើចង់ទៅលេងឃើញគេឃើញឯង តែបើអារម្មណ៍ពេលឆ្លងឆ្នាំអីហ្នឹង គ្មានអីប្លែកពីពេលធម្មតាហ្នឹងសោះ! បើមិនរវល់ហ្នឹងវាក៏មិនឃើញមានអីកើតឡើងផងហ្នឹង! ហាហាហាហា
សួស្ដីឆ្នាំថ្មី 2010 បាទ
@comkh.com: សួស្តីឆ្នាំថ្មី!