ចិត្តពីរ…

មនុស្ស​ពីរនាក់ចិត្ត​ពីរ​វា​ជា​រឿង​ធម្មតា ហើយ​មនុស្ស​ម្នាក់ចិត្ត​ពី​រ​ក៏ធម្មតា បើ​វា​ស្ថិត​នៅ​ពេល​វេលា​ពីរផ្សេង​គ្នា ព្រោះ​ចិត្ត​មនុស្ស​យើង​ប្រែ​ប្រួល​តាម​ពេល​វេលា​ តែ​អ្វី​ដែល​ពិបាក​សម្រាប់មនុស្ស​ម្នាក់ចិត្ត​ពីរ​ក្នុង​ពេល​តែមួយឯណេះ​ទេ ។ បើ​ស្រឡាញ់​របស់​ពីរ​ក្នុង​ពេល​តែមួយ​គេ​ហៅ​ថា​សាវា ឬ​លោភ តែ​បើមាន​ចិត្ត​ពីរ​ផ្ទុយ​គ្នា​ក្នុង​ការ​សម្រេច​ចិត្ត​ថា​ធ្វើ​អ្វី​មួយ​នោះ​បាន​ហៅ​ថា​មហា​ពិបាក ។ នឹក​ឃើញ​ដល់បទ​ចម្រៀង​ម៉េង កែវពេជ្ជតាមួយ​បទ ចំណងជើងថា​ “បើ​អូន​ស្នេហ៍បង” មាន​វគ្គ​មួយ​ច្រៀងថា ចិត្ត​មួយ​ហាម​ឃាត់ ចិត្ត​មួយ​តវ៉ា  មាន​ទោស​ប៉ុណ្ណា បើ​ខ្ញុំ​​ស្នេហ៍បង … ជម្រើស​ចុង​ក្រោយ​ប្រសើរ​បំផុត​សម្រាប់​ខ្ញុំមាន​តែបណ្តោយ​ឲ្យ​ពេល​វេលាជាអ្នក​ដោះ​ស្រាយទៅ​ចុះ បើ​ចិត្ត​ណាមួយ​វាខ្លាំង​ជាង វា​ច្បាស់​ជា​ឈ្នះមិន​ខាន… សម្រាប់​ពេល​បច្ចុប្បន្ន​គឺ​ទ្រាំ​តាម​កម្ម​នៃ​មនុស្ស​ចិត្ត​ពីរ​ទៅ… ហេហេហេ (សើច​ចំអក​ព្រហ្មលិខិត​មួយ​សិន ពិបាក​ពេក​សើច​មួយ​ឲ្យ​ធូរ​ពោះ)

ស្តាប់​បទ​ចម្រៀង​លម្ហែមួយ​បទ…

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

«បើ​អូន​ស្នេហ៍បង» ម៉េង កែវពេជ្ជតា

ផ្កាដុះ​លើ​ថ្ម ផ្កា​អ្នក​ក្រក្រី ត្រដរ​ប្រិម​ប្រិយ ល្អ​ឥតមាន​អ្នក​ថែ
ភ្នែក​គេ​ភ្នែកឯង​មើល​មក​ពេល​ណា ជះចេញ​វាចា​ផ្កា​ថ្មឥដ្ឋ​ប្រាក់ ។

ដឹង​ហើយ​ឮ​ហើយ​តែចិត្ត​នៅ​ស្នេហ៍ គេ​ចមិន​រួច​ទេបង​អ្ហើយ​ដូច​ជាប់​ច្រវាក់
ឱ! ស្នេហ៍អើយ​ស្នេហ៍​អ្នក​ជាអន្ទាក់ ទាញ​ខ្ញុំ​ឲ្យ​ធ្លាក់​រណ្តៅ​លោកិយ៍ ។

តើ​ប្រុស​ដឹងទេ​ថា​អូន​ស្នេហ៍បង? អូន​​ប្រឹង​បន់ផ្សង​ឲ្យ​ជួប​ទ្រូង​ថ្លៃ
ទោះអស់សង្ឃឹម​ដូច​មេឃ​និង​ដី ចិត្ត​ខំ​ស្រមៃ​ដល់​ថ្ងៃ​រៀប​ការ ។

ពិបាក​ម៉្លេះ​ទេ ស្នេហ៍គ្មានចម្លើយ បើបង​ដឹង​ហើយ បង​អើយ​សើច​យំ​ឬយ៉ាងណា?
ចិត្តមួយ​ហាម​ឃាត់ ចិត្ត​មួយ​តវ៉ា មាន​ទោសប៉ុណ្ណា បើ​ខ្ញុំ​ស្នេហ៍បង ។